港女之道 在攞著數 作者 堂前燕

1) 香港女性其實是相當幸福的一群，因為在地球上絕對找不到另一個像香港一樣既要求男人對女人要有父權社會的紳士風度，而同時女權幾乎變成霸權、男女平等到向女性傾斜的城市。 所以無論在職場上男女有多平等――如何不是女性更佔優――但你對待她的時候還必須依從父權社會的規則把女性當成是弱者。所以，你就算因為公事跟她們爭執不下，你還必須要注意你的禮貌不要太兇否則你就是不尊重女性無紳士風度正一賤男，但明明係公事喎――sorry，講嘅係公事，但你對女人嘅態度咁差就係私事――shit。 另一方面，不做家務―因為我係新世代智慧型女性，come on James你知唔知咩係男女平等？女人唔係天生出嚟幫你地啲男人執頭執尾囉――但同時James你覺唔覺得男人應該要照顧女人？所以結果就是James既做家務又要賺錢養家。 男女平等也好，紳士風度也罷，縱使日日掛在嘴邊也不會有多少香港女性有意深究，這些東西對她們來說根本沒有多大的意義除了讓她們能夠舔盡著數，也沒有多少女性會堅持追求甚麼男女平等或者女權到底，這些更多的只是作為鬧交時她們用來撻人的說話，而她們絲毫沒有察覺到自己有多自相矛盾。 2) 我唔係為咗你，我洗日日化妝，我去買衫裝身都係為咗同你去街咋，唔通我牛記笠記咩，你諗下喎，我洗錢都係為咗你面子咋――雖然衫係著喺我身上。 是不會有男人說自己做gym或是去買衫是為了令女朋友有頭有面，但有些女人就總喜歡找藉口，把自己的物慾、疑心或是其他無理取鬧的事合理化為對別人的付出。嗯，點講呢，即係其實如果你唔好成日咁臭檔係我返緊工嘅時候幾十個電話打黎嘅話，我都會覺得好有面。 咩喎，我打比你問你係關心你咋――嗱，一兩個電話，叫詢問；幾十個電話，叫盤問，係警察查犯先會咁做嘅姐。 3) 我希望我男朋友對我好啲――十個香港女性，九個都這樣說，但怎樣才算對她好？說穿了香港很多女性所謂對我好的具體表現，無非就是照顧她的一切開銷、忍受所有無理取鬧以及像她們老豆老母一樣不單要接受她們的臭脾氣還要調返轉去哄她們開心，否則你得到的評價就是：一啲都唔細心、唔緊張我、唔關心我。 她們不會意識到若果是在找男朋友而不是奴隸的話，沒有人需要無條件接受她們所有的缺點然後還不准投訴，而同時你的所有缺點將成為被人攻擊的藉口。在她們一再說男人要有風度、要關懷女人時，有無人諗過咁邊個關懷男人呢？ 當然，有一些女生會覺得最大的付出就是自己――我肯同你上床仲唔係付出――comeon你當自己係雞都唔好當我係嫖客，你把自己當成是一件貨物也不要以為我應該理所當然地向你付錢，然後把這一切變成一場另一種意義上的性交易。 我仲估我地嘅交往係建築喺感情之上，估唔到，原來都係一盤生意。