有些人, 相識一輩子, 卻仍然話不投機
「幾好甘啦......都係甘囉......返工放工甘囉」
說不到幾句, 你會自動走開, 因為五年前他已經答過同樣的答案.
有些人, 不太重視你
「唔好意思呀 唔記得左呀 忙呀嘛 一時唔記得 嘻嘻 下次 下次一定到!!」
這些人, 約他十次大概會到一次, 那一次, 不是因為他終於重視你, 而是因為他悶.
有些人, 三分鐘熱度
「唔知點解 吖 第一次同你傾計 好似識左好耐前甘喎 快d俾個電話我 嗱搵日食飯呀 一定要呀下」
最終你會發現對方根本不會約你, 事後永遠不了了之.
有些人, 喜歡無厘頭
「都無得揀啦 而家時勢唔好 加沙都打內戰啦 rolex買唔到架啦 以前都搵到架 賣好多返大陸......」
如果你嘗試搭訕, 你會發現他根本不知道你在說甚麼, 他有他繼續.
有些人, 會令你打呵欠
「其實呢做人呢我個人認為呢就無話點樣先好既做人就最緊要係努力有咩咪做囉做得幾多得幾多......」
這些人, 明顯尚未了解語言和聲音的關係, 助語詞和形容詞的用途.
有些人, 喜歡講是非和廢話
「你睇下佢吖, 甘咪先至係做野囉, 做唔正經既野吖嘛, 甘至高呀, 你唔學下人你咪低能囉, 你就真係弱智啦, 人地呢d有福呀, 你恨唔到啦低能呀你早d抖啦你, 卡卡卡~」
可以說是一大堆毫無意義的聲音, 和河邊的鴨仔叫聲差不多, 不過相比之下更為吵耳.
有些人, 喜歡炫耀自己
「有咩所謂吖, 搵到錢咩得囉, 最緊要有錢, 我又換樓啦, 係啦, 唔夠地方使, 又老婆又仔又狗甘, 貴!!!咩唔貴呀, 地皇呀, 五千蚊呎, 無計, 風水好吖嘛, 係啦, 我都話生仔架, 我鐘意仔, 甘梗係生仔啦.......」
如果他是你的老板, 那下面的答案會好適合你.
有些人, 好假
「係咩? 哈哈哈, 真係喎, 係呀係呀!!哈哈哈~」
無論甚麼情景場合, 只要有任何你不相熟的人, 不認識的事情, 不懂如何回應的問題, 一律適用.
有些人, 怨氣好重
「香港呢個地方唔係人住既, 福利又無, 綜援又少, 公屋又少, 又唔保障d市民, 雷曼又無得賠, 政府又無能, 淨係識得欺壓d市民, 我地做男人又辛苦又要擔起頭家, 男人之苦呀你知唔知呀......」
千萬不要嘗試搭訕或勸勉他, 死路一條.
有些人, 充滿負能量
「我呢d邊有得走吖, 學歷又無又咩都唔識, 做生不如做熟啦, 唉, 老細度度都野蠻既, 好醜命生成, 都要睇命水既!」
如果他是你的好朋友, 可以讓他盡情發洩一次; 如果他跟你不相熟, 那快快走開, 負能量會致癌的!
有些人, 喜歡批評
「你個頭呀? 唔得啦, 甘out, 而家唔興呢d架啦! 你件衫仲衰, 一d都唔靚, 直頭肉酸! 邊有人甘著衫架, 老套到爆, 唔係甘襯架, 要甘甘甘架嘛!!」
千萬不要問他意見, 要同時配合他, 槍頭一致向外.
No comments:
Post a Comment